—–

D’Access Bars sinn eng douce energetesch Method, déi mat 32 Energie-Rigelen, déi ëm an duerch de Kapp lafen, schafft. Entwéckelt goufen d’Access Bars vum Gary Douglas Ufank der 90er Joren. D’Bars-Punkten entsprieche verschiddene Liewensberäicher an –aspekter. Dozou gehéiere Beräicher wéi Geld, Alteren, Kierper, Sexualitéit, Freed, Trauer, Heelung, Kreativitéit, Warnehmung, Kontroll a vill anerer.

Wärend der Behandlung beréiert de Practitioner dës Punkten douce, fir de Client vun der elektromagnéitescher Luedung vu Gedanken, Iddien, Astellungen, Entscheedungen an Iwwerzeegungen, déi en a bestëmmte Liewensberäicher ageschränkt hunn, ze befreien.

Wéi funktionéiert dat?

Stell dir fir, et kéint een e Knäppchen an dengem Kapp drécken, déi d’Stëmm an dengem Kapp verstomme léisst, déi dir seet, dass du net genuch bass an, dass du net dat areeche kanns, vu wat s du dreems. Vill vun denge Begrenzungen hues du duerch deng Gedanken, Iddien, Entscheedungen, Astellungen an Iwwerzeegungen   hues du selwer geschaf. Duerch d’Beréiere vun de Bars-Punkten an der Energie déi doduerch fléisst, léist een alles dat, wat dech dovun ofgehalen huet däi Liewen esou ze féieren, wéi s du dir et wënschs.

Dat Element, wat massgebend bei enger Sëtzung ass a wat däi Liewe ka veränneren, ass d’Element vum Empfänken. D’Erléiere vum Empfänken ass de Schlëssel, fir méi dovun an däi Liewen anzelueden, ëm wat s du gebueden hues.