——
Energy Session
Energetic Healing an Energy Healing
—–
Energetic Healing an Energy Healing – Eng energetesch Behandlung ass eng ganz individuell Ugeleeënheet, well däin Energiefeld (Aura) esou eenzegaarteg an onverwiesselbar wéi e Fangerofdrock ass. Deng Aura ass a stänneger Resonanz mat senger Ëmwelt a kann doduerch Gefiller, Gedanken, awer och Disharmonien a Blockade späicheren. Wärend esou enger Behandlung féieren ech e Gespréich mat denger Séil a verbanne mech mat dengem Energiefeld, fir eraus ze fannen, wou d’Ursaache vun denge Blockade leien, déi dech dovun ofhalen, vollkommen an däi Liewensflow ze kommen.
Fills du dech:
- Midd an erschëpft
- Ausgebrannt
- Emotional onausgeglach
- Onroueg
- Onsécher
- Gestresst
- Iwwerfuerdert
- Onerfëllt
- Ongeléift
- Orientéierungslos
- Ondisziplinéiert
- Mëssverstanen
- Mannerwäerteg
- Ausgegrenzt
- Erstarrt
- Deconnectéiert vun denger ënnerlecher Stëmm/Intuitioun?
Oder hues du:
- Däin Driff verluer
- Schlofstéierungen
- Eng chronesch Krankheet oder Krankheeten, déi ëmmer nees erëm kommen (kierperlech oder psychesch)
- Irrational Ängschten oder Panikattacken
- Onerklärlech Aggressiounen
- Problemer dech auszedrécken
- Problemer dech ofzegrenzen
- Problemer ze vertrauen
- Problemer Entscheedungen ze treffen
- Problemer Persounen, Ereegnisser oder Traumae lasszeloossen
- Problemer aus dir eraus ze kommen an ze weisen, wien s du wierklech bass
- Bindungsschwieregkeeten?
—–
Da kann eng energetesch Behandlung dobäi hëllefen:
- D’Ursaache vun dësen negativen Zoustänn opzeschlësselen
- Den Energiesystem erëm an d’Gläichgewiicht ze bréngen
- Dech ze äerden
- Kierper a Geescht ze berouegen
- Deng Emotiounen auszegläichen
- Deng Eegewahrnehmung positiv ze beaflossen
- Däi Selbstwäertgefill ze verbesseren
- Däi Vertrauen an d’Liewen ze stäerken
- Kloer ze kommunizéieren
- Deng Selbstheelungskraaft ze aktivéieren
- Dech nees mat denger Intuitioun ze verbannen
- Däi Gemitt ze erhellen
- Deng Liewensqualitéit ze verbesseren
A menger Aarbecht mat dengem Energiefeld connectéiere ech mech duerch däi Krounechakra (7. Energiekierper, dee just iwwer dem Kapp leit) a ginn dann all déi aner Chakren duerch. Dobäi loosse mech da leeden a kucken da wéi eng verschidden energetesch Techniken deng Séil brauch, fir an d’Heelung ze kommen.
Wärend der Seance läis du gemittlech op enger Massagebrëtsch a muss näischt anescht maache wéi einfach do sinn☺ Alles wat ech „gesinn, héieren“, léisen an aktivéieren, schreiwen ech op, sou dass ech dir bei der Nosbespriechung en detailléierte Rapport ka maachen.